A remates de l’año 2020, podébamos leyer en prensa que lo MInisterio de Transizión Chusta e lo Gobierno d’Aragón han esbloquiato, a la fin, as aduyas a infraestruturas d’o Plan Miner 2013-2018. Asinas, si cosa se’n tuerze, a las nuestras redoladas legarán 16,1 millóns d’euros ta 24 proyeutos. En istas autuazións aprebatas, se prevee una creyación d’emplego de 211 puestos de treballo. Entre istos proyeutos vemos varios destinatos a esplotazións ganaderas, milloras de poligonos industrials, Zentros de día e d’atenzión a presonas mayors en Mequinenza e Montalbán, engrandar l’otel-balniario d’Ariño, Zentro d’interpretazión d’arte Ibero en Andorra , Campin d’aventura en Estercuel u implantazión planta de tratamiento e reziclache de residuos plasticos en Montalbán. Tot o nombrato dica agora sí que considero que puede chenerar emplego, prou que sí. Manimenos continamos viendo aduyas, as bases lo permiten, a esviellar alumbrato publico en diferèns lugars, efizencia enerchetica en edifizios monezipals u bel coleutor cheneral esterior. Autuazións istas zaguers que son prezisas pero, abendo unatros fundos ta ello, ¿Ye preziso emplegar más d’un millón d’euros de planes miner? I doy ferrete, as bases lo permiten pero en CHA no consideramos que deban emplegar-se pa istas fins.

Os planes Miner os entendemos ta recuperar, por tanto chenerar, emplego. Bi ha atros fundos d’aduyas que se creyoron ta amillorar infraestruturas de lugars tanto provinzials, como autonomicas así como estatals e uropeyas. A penar de que aigamos dato ferrete en ello, se contina fendo igual y ya sapemos que resultatos bi ha dica agora en numero d’emplegos.

Con tot e con ixo deseyamos que’os 211 nuevos emplegos previstos sigan una reyalidat pero, como diziba mi yayo, «Si algo sale mal, y vuelve a hacerse de la misma forma, volverá a salir mal». Aguardemos a que ista vez bi aiga buenas notizias por o bien d’os nuestros lugar e redoladas. Por o bien d’a chen que .vivimos en as comarcas mineras aragonesas.

Marco Negredo – CHA Andorra