O pasau día 1 de chunio, o Movimiento d’Azión Rural (M.A.R.) d’a comarca de Cuencas Mineras, comparexeba en as Corz d’Aragón con l’obchetivo d’informar d’a preocupazión ziudadana por a falta de sanitarios en l’Aria de Salut d’Utriellas.

Que os distintos Grupos Politicos puedan escuitar a personas, coleutivos y entidaz que levan as suyas quexas, aportazións, demandas y criticas, ye tot un exerzizio de democrazia que s’ha de meter en prautica pa zarrar a preocupán breca ubierta entre as personas y os suyos representáns politicos.

Ye d’admirar o treballo d’iste colectivo que naxió pa adubir evitar a tancadura definitiva d’a ofizina d’o CAISS de Montalbán. Agora se mobilizan porque en l’equipo d’Atenzión Primaria d’o Zentro de Salut d’Utriellas, formau por seis Medicos, s’ha produziu cuantas vacantes de manera consecutiva en un periodo curto de tiempo, exichindo que se gararantice o servizio asistenzial en toz os lugars d’a suya aria de salut. Ye un problema mui cheneralizau en tot o meyo rural. Por ixo ye nezesario adubir estabilidat y consolidar istas plazas en tot o territorio aragonés pa evitar situazións como este y aprevenir futuras.

Entiendo lo complexo que ye disposar d’os servizios publicos en o meyo rural aragonés, mui espezialmén en as comarcas d’o sur, por a baxa densidat de poblazión y l’enviellimiento. Mientres no se faiga efeutivo ixe criterio como una obligazión de chustizia sozial y territorial, no servirán de pon os zientos de Planes contra a despoblazión que se quieran presentar en a Moncloa, por muito que tiengan como obchetivo guarenziar a igualdat de dreitos en a prestazión de servizios y a luita por a revitalizazión rural,
Ye preziso fer veyer a las administrazions, o dreito a quedar-nos en os nuestros lugars, u a una dezisión personal d’iniziar, u continar, un proyeuto vital en un puesto eslechiu libremén. Sentimos Orgüello Rural.
Vocabulario: Orgüello (orgullo), coleutivo (colectivo), breca (brecha), adubir (lograr), tancadura (cierre), guarenziar (garantizar), escuitar (escuchar), luitar (luchar), eslechiu (elegido)

Marco A. Negredo. CHA Cuencas Mineras