Toz nos femos contentos con o veredicto en o chuizio a d’Ígor el Ruso, condenau a prisión permanén revisable por o triple asesinato en aviento de 2017. D’iste veredicto toz yeranos seguros. En iste caso a chustizia sabebanos que iba a esistir.

Manimenos a las continas preguntas que emos formulau en o Senado a traviés de Carlos Mulet, senador de Compromís, en relazión a los trachicos suzesos acayezius, as respestas han estau vuedas de conteniu.
Por qué motivo no se prenioron dende o Gubierno totas as nezesarias midas de prevenzión a la poblazión y de protezión a las Fuerzas y Cuerpos de Seguranza d’o Estau y qué midas s’han adoptau pa evitar que se reproduzcan ixe tipo de situazions? Siempre se nos responde que no i hai abiu variazión bella respective a lo ya informau cuan en realidat ye que nunca s’ha informau pon. Como muito dezir que cuan se suzedioron os feitos no gubernaban els.

Un informe interno d’a Guardia Zivil conoxiu publicamén en diversos meyos de comunicazión, aclareix que ya se conoxeba a presenzia d’un sospeitoso en a zona y d’o periglo que representaba pa los abitadors d’as nuestras comarcas porque se le atribuyiban antonzes más de diez robos en os masicos de l’entorno, asinas como d’una prebatina d’asesinato. Por ixo tamién emos preguntau si reconoxe o Gubierno a existenzia de dito informe, y si tiene informazión o Gubierno sobre a existenzia de más informes ofizials elaboraus a lo respeuto. A unica respuesta rezibida siñala que o informe en custión podría corresponder-se con una nota informativa interna elaborada por l’Equipo de Polizía Chudizial d’Alcañiz, que no contiene dengún feito relazionau con a investigazión d’os asesinatos. Una vez más, respuesta vueda y, por tanto, falta de respeto a las familias d’os asasinaus. S’ha puesto fer chustizia con o chuizio a Norbert Feher pero contina abendo silenzios dende o Gubierno d’España, l’autual y l’anterior, respective a la seguranza en as nuestras comarcas. Seguiremos buscando la verdat. #CHACumple

Vuedas (vacías), manimenos (no obstante), midas (medidas), bella (alguna), pon (nada)

Marco Negredo – CHA Cuencas Mineras